نحتاج لعمل سلة الخبز بربطه
قطعتي قماش مربعة على حسب الطول المرغوب
انا سويت ثنتين الكبيرة قصيت قماش ٤٠ في ٤٠. الصغيرة ٣٥ في ٣٥
قطعة اسفنج اقل ب اثنين سم وذلك حتى ما تزعجنا وقت الخياطة ((يعني السلة الكبيرة ٣٨ في ٣٨ والسلة الصغيرة ٣٣في ٣٣ ))
بعدين شلت من زواياها مربع ٧ في ٧ حتى يكون اسهل لما اغلق السلة بعدين
اخر شي نحتاج شريط ممكن نجيب شريطه جاهزة او نسوي من نفس القماش
نحتاج ٨ حبات بطول ٢٠ سم
ممكن بدل الاسفنج نحط بولستر لكن في هذي الحاله الأفضل نعمل تضريب حتى يعطي متانه
الشريط اللي قلت لكم اذا حابين يكون من نفس القماش
نثبت الأشرطة الثمانية على بعد ٨ سم من الزوايا بدبابيس ونخيطهم
بعدين نثبت الاشرطة من ورا بدبابيس حتى ما تزعجنا وقت الخياطة
نضع قطعتي القماش وجها لوجه وفوقهم الاسفنج ونثبت بدبابيس ونخيط
نترك مسافة ١٥ سم لقلب القماش حول حواف القماش
لا تنسون عند الزوايا تصغرون طول الغرزة الى رقم ١ ،،حتى ما تفتح معك وتكون الزوايا حادة بعد قلبها
نقص من الزوايا بالشكل بعدين نقلب القماش من الفتحة
نسكر الفتحة ونخيط حوالين القطعة كاملة
اخر خطوة نوصل بالمسطرة بين مكان الشرايط المتقابلة بالشكل التالي
الحين نخيط على الخطوط حتى يسهل الانثناء لما نربط الشرايط
نربط الشرايط
والسلة الثانية.
ممكن استخدامها عالوجهين
ممكن نسوي تقسيم للسلة باستخدام قطع كرتون بنفس طول وارتفاع السلة
نلبسهم بالقماش ونثبتهم بصمغ المسدس
ممكن تثبتينهم بإبرة
أتمنى تكونو استفدتو تعليقاتكم دافع لي للاستمرار ،،،،
